Teikneserien Dunce er eineståande innan norske striper. Livet til Jens K, sonen Gustav og hunden Brego vekslar mellom kvardagslege flokar og djupe, eksistensielle kriser. Det heile er teikna og fortalt så morosamt, levande og sårt at ein knapt kan legge boka frå seg.
Bla i boka her:
Jens K Styve er ein vestlending som no er nordlending. Stripa hans går dagleg i Klassekampen og ei rekkje andre aviser. På kort tid har serien raska med seg både Sproingprisen, Pondusprisen og Dagbladet sin teikneseriepris. I tillegg har Dunce-bøkene blitt utgjevne og lovprisa i både Frankrike og Sør-Amerika.
